قصور (نمائندہ نوائے وقت)قصور اور نواح میں تین مختلف مقامات سے دو خواتین سمیت تین افراد کی نعشیں برآمد ہوئیں۔ پولیس تھانہ گنڈا سنگھ کے علاقہ رینجر ز کی عالم شہید پوسٹ کے قریب دریائے ستلج میں انڈیا کی طرف سے 30/32 سالہ شخص کی تیرتی ہوئی نعش برآمد ہوئی رینجرز عملہ نے نعش کو قبضہ میں لیکر مقامی پولیس کے حوالے کر دیا۔ ڈنڈیاں والا پل پتوکی کے قریب ریسکیو 1122 کو اطلا ع ملی کہ نہر میں عورت کی نعش تیر رہی ہے جس پر ریسکیو 1122 نے موقع پر پہنچ کر نعش کو قبضہ میں لیکر پولیس تھانہ صدر پتوکی کے حوالے کر دیا۔ چھوٹی نہر چھا نگا مانگا کے مقام پر نامعلوم 60/65 سالہ خاتون کی تیرتی ہوئی نعش کو مقامی افراد نے دیکھا جس پر انہوں نے تھانہ چھانگا مانگا کو اطلاع دی تو پولیس نے موقع پر پہنچ کر نعش کو قبضہ میں لے لیا نعش کے سر پر زخم کے نشان پائے گئے پولیس مصروف کارروائی ہے۔