حافظ آباد(نمائندہ خصوصی+ نامہ نگار) جماعت اہلسنت پنجاب کے ضلعی ناظم اعلیٰ مفتی محمد اقبال چشتی نے یہاں مرکزاہلسنت جامع الفاروق میں دس روز ہ الحسینی کانفرنس سے خطاب کرتے ہوئے کہا کہ حضرت سیدنا امام حسین ؓ اور آپکے جانثاروں ؓ نے دین اسلام کے لئے جو عظیم قربانیاں دیں ۔وہ اسلام کا ایک زریں باب ہے۔ انہوںنے کہا کہ آج ضرورت اس امر کی ہے کہ ہم فکر حسینی ؓ کے فروغ کے لئے کمر بستہ ہوکر معاشرے سے یزیدی اور طاغوتی قوتوں کے خاتمہ کے لئے جہاد کریں۔انہوںنے مزید کہا کہ جب تک ہم اہل بیتؓ کے ساتھ صحابہ ؓ کے ساتھ محبت نہیں کریں گے اسوقت تک دنیا و آخرت میں سرخرو نہیں ہوں گے۔