اسلام آباد (خبر نگار خصوصی) آرمی چیف جنرل قمر جاوید باجوہ نے پاک فوج میں اعلی سطح پر تقرر و تبادلوں کے احکامات جاری کر دیئے۔ پاک فوج کے شعبہ تعلقات عامہ (آئی ایس پی آر) کی جانب سے جاری اعلامیہ کے مطابق کور کمانڈر پشاور لیفٹیننٹ جنرل فیض حمید کو تبدیل کر کے کور کمانڈر بہاولپور تعینات کر دیا گیا ہے جب کہ لیفٹیننٹ جنرل سردار حسن اظہر حیات کو کور کمانڈر پشاور تعینات کیا گیا ہے۔ آئی ایس پی آر کے مطابق لیفٹیننٹ جنرل خالد ضیا کو ملٹری سیکرٹری پاکستان آرمی تعینات کیا گیا ہے۔