شیخوپورہ (نمائندہ خصوصی) انجمن تاجران مدینہ مارکیٹ کے صدر فیضان شفیق خاں،جنرل سیکرٹری سیٹھ عظیم نے کہاکہ صحابہ کرام ؓ اور اہل بیت کی زندگیاں ہمارے لیے مشعل راہ ہیں جو ہمیں اسلام کی بالادستی اور دین حنیف کے فروغ کا درس دیتی ہیں صحابہ کرام کی ناموس کے تحفظ کیلئے ہم اپنا تن ،من ،دھن قربان کرنے کو تیار ہیں خود نبی کریم ؐ نے دفاع صحابہ اور عظمت صحابہ کیلئے امت کو ہدایات جاری کی ہیں انہوںنے کہاکہ دشمن ہمیں آپس میں لڑوانے اور تقسیم کرنے کیلئے فرقہ واریت کو ہوا دینے کی کوشش کررہا ہے ان حالات میںہمیں متحد ہوکر دشمن کی اس سازش کو ناکام بنانے کی اشد ضرورت ہے ۔