شیخوپورہ(نمائندہ خصوصی)سابق رکن صوبائی اسمبلی حاجی محمدنواز نے کہاہے کہ نوجوان نسل کو فکرحسین سے روشنا س کرانے کیلئے ہمیں مشنری جذبہ کے تحت کام کرنیکی ضرورت ہے حضرت امام حسین ؓ کی عظیم شہادت اقتدار کیلئے نہیں بلکہ اعلیٰ انسانی ،اخلاقی اقدار اور روایات کی بحا لی کا نتیجہ ہے آج ہمیںبھی اسلام کی سربلندی اور اپنی سیاست کو مفادات ،کرپشن ،لوٹ مار اور مافیاز سے نجات دلانے کیلئے حسینیت کی تعلیمات کے مطابق اپنا کردارادا کرنیکی ضرورت ہے آج دشمن نے ہماری نوجوان نسل کو ٹارگٹ کیا ہے اور سیاست میںانہیں ٹیشو پیپر کی طرح استعمال کیا جارہا ہے نبی کریم ؐ کے اہل بیت اور صحابہ کرام ؓ کی زندگیاں ہمارے لیے مشعل راہ ہے جس پر عمل کر کے ہم دنیا وآخرت کی کامیابیاں اور بھلائیاں حاصل کرسکتے ہیںان خیالات کااظہارانہوںنے صحافیوںسے گفتگو کرتے کیا ۔