ذکا اشرف کا اعجاز بٹ اور عالمگیر ترین کے انتقال پر فیملیز سے اظہارتعزیت

لاہور(سپورٹس رپورٹر)پاکستان کرکٹ بورڈ کی مینجمنٹ کمیٹی کے چیئرمین ذکاء اشرف اور بورڈ کے افسران نے پیر کے روز اعجاز بٹ اور عالمگیر ترین کی فیملیز سے ملاقات کی اور دونوں کے انتقال پر تعزیت کا اظہار کیا۔ذکاء اشرف نے عالمگیر ترین کے بڑے بھائی جہانگیر ترین سے ملاقات کی اور ان سے عالمگیر ترین کی وفات پر دکھ کا اظہار کیا۔انہوں نے ملتان سلطانز کے ذریعے کھیل کی ترقی کے ضمن میں عالمگیر ترین کی انتھک کوششوں کو سراہا۔پاکستان کرکٹ بورڈ کے سابق چیئرمین اعجازبٹ کی رہائش گاہ پر ان کی فیملی سے گفتگو میں ذکاء اشرف نے مرحوم کیساتھ دیرینہ تعلقات کا ذکر کرتے ہوئے کہا کہ اعجاز بٹ کی کرکٹر اور ایڈمنسٹریٹر کی حیثیت سے خدمات ہمیشہ یاد رکھی جائیں گی۔