چیئرمین ذکاء اشرف سے ملاقات‘سرفراز نواز کی پنشن بحال

 لاہور(سپورٹس رپورٹر)چیئرمین پی سی بی مینجمنٹ کمیٹی ذکاء اشرف سے سابق ٹیسٹ کرکٹر سرفراز نواز نے نیشنل کرکٹ اکیڈمی لاہور میں ملاقات کی ، ملاقات کے دوران سابق کپتان مصباح الحق اورمحمد حفیظ بھی موجود تھے۔ذکاء اشرف نے کہا کہ سرفراز نوازجیسے لیجنڈ کرکٹر کو اس حالت میں دیکھ کر افسوس ہوا۔ ایسے میں سرفراز نوازجیسے سابق کھلاڑی کو کو ان کی پنشن کے حق سے محروم رکھنا تکلیف دہ امر ہے،چیئرمین پی سی بی ذکاء اشرف نے کہا کہ پی سی بی کی سابقہ انتظامیہ کا سرکاری خزانے کو ذاتی بدلے کے طورپراستعمال کرنا بہت مایوس کن ہے۔  چیئرمین پی سی بی مینجمنٹ کمیٹی نے گذشتہ ادائیگیوں کا چیک پیش کیا،ذکا اشرف سے چیک وصول کرتے سرفراز نواز نے خوشی کا اظہار کرتے ہوئے کہا کہ پچھلے 6سال کے بعد نیشنل کرکٹ اکیڈمی آیا ہوں، چیئرمین صاحب سے ملاقات کے بعد ایسا محسوس ہوا کہ 6 سال جیسے 6دن کے برابر ہیں۔