اسلام آباد (خبرنگارخصوصی) پاکستان بحریہ کے اہلکاروں میں عسکری اعزازات تفویض کرنے کی تقریب اسلام آباد میں منعقد ہوئی۔ ترجمان پاک بحریہ کے مطابق چیف آف اسٹاف وائس ایڈمرل نوید اشرف نے تقریب میں بطور مہمان خصوصی شرکت کی اور افسران وجوانوں کومختلف عسکری اعزازات سے نوازا۔ ستارہ امتیاز (ملٹری) حاصل کرنے والے افسران میں کموڈورسید نوید احسن اور کموڈورعامر حنیف شامل تھے۔ تمغہ امتیاز (ملٹری) حاصل کرنے والوں میں کیپٹن ڈاکٹر امجد نواز، کمانڈر رضوان احمد، لیفٹیننٹ کمانڈر محمد عمران، لیفٹیننٹ کمانڈر فیصل ایوب اور لیفٹیننٹ کمانڈر محمد حسن رضوی شامل تھے۔ علاوہ ازیں, پاک بحریہ کے سی پی اوز اور سیلرز میں 2 تمغہ خدمت ملٹری-II اور 9 تمغہ خدمت ملٹری-III جبکہ 17 افسران، سی پی اوز/ سیلرز اور نیوی سویلینز کو چیف آف دی نیول اسٹاف کی تعریفی اسناد سے نوازا گیا۔ تقریب میں پاک بحریہ کے افسران نے شرکت کی۔