آرمی چیف جنرل عاصم منیر نے کہا ہے کہ پاک فوج موجودہ اور آنے والے چیلنجز سے نمٹنے کے لیے پرعزم ہے۔
آئی ایس پی آر کے مطابق آرمی چیف نے جہلم میں ٹلہ فیلڈ رینج کا دورہ کیا . ٹلہ فائرنگ رینج آمد پر کور کمانڈر منگلا نے آرمی چیف کا استقبال کیا۔آرمی چیف نے براہ راست فائر اور جدید تکنیک وی ٹی فور کی مشقوں کامشاہدہ کیا. لانگ رینج ایس ایچ 15 آرٹلری گن شوٹ اور اسکوٹ صلاحیتوں کا بھی مشاہدہ کیا.آرمی چیف نے عملے کی جنگی مہارت پر تعریف کی ۔آئی ایس پی آر کے مطابق آرمی چیف نے کہا کہ افواج پاکستان دشمنوں کے مذموم عزائم کو ناکام بنانے کی صلاحیت رکھتی ہیں۔پاک فوج کے شعبہ تعلقات عامہ (آئی ایس پی آر) کی جانب سے جاری بیان میں کہا گیا ہے کہ آرمی چیف جنرل عاصم منیر نے جہلم کے قریب ٹلہ فیلڈ فائرنگ رینج کا دورہ کیا جہاں انہوں نے لائیو فائر اور جدید وی ٹی 4 ٹینکوں کی مشقوں کا مشاہدہ کیا۔آئی ایس پی آر کے مطابق آرمی چیف نے لانگ رینج ایس ایچ 15 آرٹلری گنوں کی شوٹنگ اور جدید آلات کی نمائش کا بھی مشاہدہ کیا اور عملے کی جنگی مہارت اور جدید ترین ہتھیاروں پر ان کی مہارت کو سراہا، اس موقع پر آرمی چیف کو اسٹرائیک کور کی کارکردگی پر بریفنگ بھی دی گئی۔جنرل عاصم منیر کا کہنا تھا پاک فوج دشمن کے مذموم عزائم کو ناکام بنانے کی پوری صلاحیت رکھتی ہے.پاک فوج دشمن قوتوں کے تمام حربوں کو خاک میں ملانے کے لیے ہر لمحہ تیار ہے۔