لاہور(سپورٹس رپورٹر) نوجوان بیٹر محمد ہریرہ نے دوسری بار پاکستان ٹیسٹ سکواڈ میں شامل کیے جانے کو اپنے لیے اعزاز قرار دیدیا۔انہوں نے کہا کہ یہ بڑی عجیب بات ہے کہ بہت سے کرکٹرز یہ کہتے ہیں کہ انہیں کرکٹ کھیلنے پر والدین سے مار پڑتی تھی جبکہ میرے کیساتھ بالکل برعکس معاملہ رہا ہے مجھے کرکٹ نہ کھیلنے پر والد سے مار پڑتی تھی۔ابتدا میں انہیں کرکٹ کا شوق نہیں تھا لیکن ان کے والدین چاہتے تھے کہ وہ کرکٹ کھیلیں۔ میرے والد ہی دراصل میرے پہلے کوچ تھے۔