نواز شریف نتھیا گلی میں شہریوں سے گھل مل گئے 

مری (نوائے وقت رپورٹ)  سابق وزیراعظم میاں محمد نواز شریف نتھیا گلی میں شہریوں سے گھل مل گئے۔ نواز شریف  کو مری میں انکی مداح فیملی نے روک لیا اور تصاویر بنوائیں۔ مسلم لیگ ن کے صدر نواز شریف کی مداح فیملی نے مری میں بارش کے دوران گاڑی روکنے کی درخواست کی جس پر نواز شریف کی ہدایت پر ان کی گاڑی روک دی گئی۔بچوں سمیت فیملی کے تمام ارکان  نے  گاڑی کی فرنٹ سیٹ پر براجمان نواز شریف کے ساتھ تصاویر بنوائیں۔مسلم لیگ ن کے متوالے نے نواز شریف سے اچانک ملاقات اور ان کے ساتھ تصاویر کھنچوانے کو معجزہ قرار دے دیا۔