اسلام آباد (نمائندہ خصوصی) چیئرمین بلاول بھٹو زرداری  نے پاکستان پیپلز پارٹی سعودی عرب کے ریاض ریجن کے نائب صدر یونس ابو غالب  کے انتقال پر دکھ و افسوس کا اظہار کیا ہے۔ بلاول بھٹو زرداری نے تعزیتی پیغام میں کہا کہ ابو غالب مرحوم کی پارٹی کے لیے خدمات کو ہمیشہ یاد رکھا جائے گادعاگو ہوں، اللہ تعالیٰ مرحوم  کو جنت الفردوس اور سوگوار خاندان کو صبر جمیل عطا فرمائے۔ دوسری طرف چیئرمین پی پی پی بلاول بھٹو زرداری نے اپنے چیف میڈیا کوآرڈینیٹر نذیر ڈھوکی کے انتقال پر مرحوم کے گھر جا کر اہل خاندان سے اظہار تعزیت کیا ، چیئرمین بلاول بھٹو زرداری نے جیالے نذیر ڈھوکی کے بلندی درجات کے لئے فاتحہ خوانی اور لواحقین کے صبر جمیل کی دعا کی، چیئرمین بلاول بھٹو زرداری نے کہا کہ نذیر ڈھوکی سے ہمارا نسلوں کا رشتہ تھا، انہوں نے میری والدہ شہید محترمہ بینظیر بھٹو کے ساتھ بھی کام کیا۔ نذیر ڈھوکی کی جدائی ایک بڑا صدمہ ہے، پاکستان پیپلز پارٹی اس سانحے پر سوگوار ہے، بھٹو ازم کے لئے نذیر ڈھوکی کی قربانیوں کو کبھی فراموش نہیں کیا جائے گا۔