راولپنڈی ، برساتی نالوں میں چار بچے بہہ گئے، ایک کی نعش نکال لی گئی

راولپنڈی (اپنے سٹاف رپورٹر سے)مون سون کی شدید بارشوں راولپنڈی کے دوران نالہ لئی میں طغیانی اور برساتی نالوں میں چار بچے بہہ گئے ریسکیو 1122 نے ایک نعش نکال لی جمعرات کو شدید بارش کے دوران سٹی صدر روڈ پرنالہ لئی میں ایک لڑکا ڈوب گیا ریسکیو ٹیموں نے بتایاکہ کہ معلومات کے مطابق یہ لڑکا نالہ لئی کے کنارے پر بیٹھا تھاکہ اچانک نالے میں گر گیاجس کی تلاش کیلئے واٹر ریسکیو ٹیموں نے سرچ آپریشن شروع کیا ریسکیو 1122 نے کہا کہ گزشتہ روز بوستان روڈ اور اڈیالہ روڈ پر ڈوبنے والے بچوں کی تلاش کے لیے بھی سرچ آپریشن جاری رکھا گیا گزشتہ روز بوستان خان روڈ پر ڈوبنے والے بچے کی نعش مل گئی بچے کی نعش کو لواحقین کے حوالے کر دیا گیا جبکہ اڈیالہ روڈ پر ڈوبنے والی بچی اور سٹی صدر روڈ پر ڈوبنے والے لڑکے کو تلاش کرنے کیلئے سرچ آپریشن تاحال نامکمل ہے  جمعہ کی صبح دوبارہ سرچ آپریشن شروع کیا جائے گا جمعرات کو ریسکیو 1123 کی واٹر ریسکیو ٹیمیں واپس چلی گئیں ۔