غیرملکی نیوزایجنسی کےمطابق غزہ میں تازہ جھڑپوں کا سلسلہ اُس وقت شروع ہوا جب اسرائیلی طیاروں نے ایک گاڑی کو نشانہ بناتے ہوئے دو فلسطینیوں کو شہید کردیا، اسرائیل کی جانب سے الزام عائد کیا گیا کہ غزہ کی پٹی سے اسرائیلی علاقے میں راکٹ فائرکئے گئےجس کے جواب میں اسرائیلی طیاروں نے کارروائی کی جس میں مزید ایک فلسطینی شہید اور تیرہ زخمی ہوگئے،حملے میں متعدد عمارتوں کو نقصان بھی پہنچا ہے،اسرائیل کا کہنا ہے کہ مرنے والے افراد فوج اورشہریوں کو نشانہ بنانا چاہتے تھے۔