لاہور+فیصل آباد (نمائندہ سپورٹس +نمائندہ خصوصی) دانش اطلس نے تیسری لائلپور مینزنیشنل سکوائش چیمپئن شپ اپنے نام کرلی ۔چناب کلب میں کھیلے جانے والے فائنل مقابلہ میں دانش اطلس نے اپنے مد مقابل فرحان محبوب کو 3-0سے شکست دی۔فائنل میچ کے موقع پر ڈی او سپورٹس چوہدری طارق نذیر،سکوائش کے نامور کھلاڑی گوگی علائو الدین،آرگنائزر مامون خان،صدر زونل سکوائش ایسوسی ایشن رانا نعیم دستگیر اور دیگرآفیشلز کے علاوہ شائقین کی بڑی تعداد اس موقع پر موجود تھی۔گوگی علائو الدین نے فیصل آباد میں مسلسل تیسری نیشنل سکوائش چیمپئن شپ منعقد کرانے پر ڈی سی اونورالامین مینگل کی کاوشوں کو سراہا ۔ چیمپئن شپ 2سے 8دسمبر تک جاری رہی جس میں ملک بھر سے 147کھلاڑیوں نے حصہ لیا۔