پاکستان کیخلاف برسبین ٹیسٹ کیلئے آسٹریلین سکواڈ برقرار

کینبرا(سپورٹس ڈیسک )آسٹریلیا نے پاکستان کے خلاف پہلے ٹیسٹ میچ کیلئے اپنے سکواڈ میں کوئی تبدیلی نہ کرتے ہوئے جنوبی افریقہ کے خلاف فتح حاصل کرنے والے سکواڈ کو برقرار رکھا ہے۔سری لنکا کے خلاف کلین سوئپ اور جنوبی افریقہ کے خلاف سیریز گنوانے سمیت لگاتار پانچ شکستوں سے دوچار ہونیوالی آسٹریلین ٹیم ان دنوں تشکیل نو کے عمل سے گزر رہی ہے۔ آسٹریلیا کے عبوری چیف سلیکٹر ٹریور ہونز نے کہا کہ پرتھ اور ہوبارٹ ٹیسٹ کے بعدسکواڈ میں کی گئی تبدیلیوں کے نتیجے میں ایڈیلیڈ ٹیسٹ میں ٹیم نے جس طرح متحدہ ہو کر کارکردگی دکھائی اس پر ہم بہت خوش ہیں۔آسٹریلین سکواڈ ان کھلاڑیوں پر مشتمل ہے۔سٹیون سمتھ (کپتان)، ڈیوڈ وارنر، میٹ رینشا، عثمان خواجہ، پیٹر ہینڈزکومب، نک میڈنسن، میتھیو ویڈ، جوش ہیزل وڈ، مچل سٹارک، ناتھن لیون، جیکسن برڈ اور چیڈ سیئرز۔