کراچی ،پنجاب اورخیبرپختونخوا کے مختلف شہروں میں بارش کی پیش گوئی

کراچی میں موسم ابر آلود ہے اور پنجاب و خیبرپختونخوا کے مختلف شہروں میں بارش کی پیش گوئی کی گئی  ۔محکمہ موسمیات نے موسم سرما کی پہلی بارش کی نوید سناتے ہوئے بتایا ہے کہ کراچی میں (آج )بارش کا امکان ہے جبکہ شہر میں آسمان پر گہرے کالے بادل چھانے کے بعد سردی کی شدت محسوس کی جارہی ہے۔محکمہ موسمیات  نے بتایا کہ شہر قائد سمیت وفاقی دارالحکومت  اسلام آباد، راولپنڈی،کوئٹہ، ژوب، قلات، مکران، ڈی آئی خان، بنوں، کوہاٹ، مالاکنڈ، ہزارہ ، پشاور، مردان، سرگودھا، گوجرانولا ڈویژن، کشمیر اور گلگت بلتستان میں کہیں کہیں بارش ہوسکتی ہے۔محکمہ موسمیات نے پہاڑوں پر برف باری کا بھی امکان ظاہر کیا ہے