پاک بحریہ میں ہنگور ڈے کا انعقاد:جنگ 71میں آبدوز ہنگور نے تارپیڈو سے 2 بھارتی جہازنشانہ بنائے

پاک بحریہ کی جانب سے 1971کی جنگ میں دشمن کے خلاف لازوال کامیابی کو اجاگر کرنے کے لیے 'ہنگور ڈے 'کے موقع پر 'ہنگور آبدوز' کو خراج تحسین پیش کرنے کیلئے پرومو جاری کردیا۔ترجمان پاک بحریہ کے مطابق اس دن 1971کی جنگ میں پاک بحریہ کی آبدوز ہنگورنے کامیابی سے کارروائی کرتے ہوئے بہادری کی عظیم تاریخ رقم کی تھی۔پاک بحریہ کی آبدوز ہنگور نے دو بھارتی جہازوں آئی این ایس ککری اور کرپان کو تارپیڈو سے نشانہ بنایا تھا جس کے نتیجے میں ککری غرقاب ہو گیا اور کرپان بری طرح مفلوج ہو گیا تھا۔ترجمان پاک بحریہ نے بتایا کہ دوسری جنگ عظیم کے بعد یہ پہلا واقعہ تھا جس میں کسی آبدوز نے بحری جہاز کو نیست و نابود کیا۔پاک بحریہکے ترجمان کا اس موقع پر کہنا تھا کہ ہم اپنے قومی ہیروز کو ہنگور ڈے پر سلام پیش کرتے ہیں۔ پاک بحریہ کی آبدوز ہنگور کے عملے کی اس بہادری کو سراہتے ہوئے 4 ستارہ جئرات، 6 تمغئة جئرات اور 14 امتیازی اسناد سے نوازا گیا۔ یہ تعداد کے لحاظ سے پاک بحریہ کے کسی ایک یونٹ کو دیئے جانے والے بہادری کے تمغوں میں سب سے زیادہ ہیں۔