مسلم لیگ (ن) کے رہنما خواجہ عمران نذیر کار حادثے میں شدید زخمی

لاہور (نامہ نگار) کینٹ کے علاقے میں مسلم لیگ ن کے جنرل سیکرٹری خواجہ عمران نذیر کار حادثے میں شدید زخمی ہو گئے۔ خاندانی ذرائع کے مطابق خواجہ عمران نذیر کو سر پر شدید چوٹیں آئیں، انہیں طبی امداد کیلئے ہسپتال منتقل کر دیا گیا جہاں ان کے سر پر 12 ٹانکے لگے ہیں۔ حادثہ اس وقت پیش آیا جب ویگو ڈبل کیبن ڈالے والے نے خواجہ عمران نذیر کی گاڑی کو ٹکر ماری۔ ان کی حالت خطرے سے باہر بتائی جاتی ہے۔