اوسلو، ایوارڈ تقریب میں زارا نورکی پرفارمنس

 ناروے میں ہونے والے تیسرے انٹرنیشنل پاکستان پرسٹیج ایوارڈ میں زارا نے ملکہ ترنم نور جہاں اور نصیبو لال کے 2 سدا بہار گانوں دلدار صدقے اور توجو میرے میں پرفارم کیا۔بلیک اور میرون گولڈ اسکرٹ میں ملبوس زارا نے اپنی منفرد پرفارمنس پر شرکا سے خوب داد سمیٹی۔تیسرے آئی پی پی اے ایوارڈز میں مایا علی، صدف کنول، آئمہ بیگ، ہانیہ عامر، احمد علی بٹ ، زیبا بختیار، کبری خان، یاسرحسین، عائشہ عمر ، اظفررحمان، شہروز سبزواری، عدنان صدیقی ، اسد صدیقی، ثروت گیلانی، مومل شیخ، حرا مانی ، جاوید شیخ، فیروز خان ، علی ظفر اور بہت سے دیگر ستارے شریک تھے۔شوبز شخصیات نے انسٹا پراوسلو میں ایک ساتھ لی جانے والی بہت سی تصاویر شیئر کیں۔آئی پی پی اے کو پاکستان میں شوبز کے بڑے ایوارڈزمیں سے ایک سمجھا جاتا ہے جس کیلئے انٹرٹینمنٹ ٹی وی چینلزاور فلم انڈسٹری سے نامزدگیاں کی جاتی ہیں۔ شوبزستاروں کوفیشن، فلم ، ٹی وی اور ڈانس کی 30 مختلف کیٹگریزمیں ایوارڈز دیے جاتے ہیں۔گزشتہ سال دوسرے انٹرنیشنل پاکستان پرسٹیج ایوراڈ کی تقریب لندن میں منعقد کی گئی تھی۔