ملتان(کرائم رپورٹر)سٹی پولیس آفیسر ملتان محبوب رشید میاں نے سی پی او آفس میں ڈسٹرکٹ ملتان کے افسران کے ساتھ میٹنگ کی،سی پی او ملتان نے ہدایت کی کہ کرسمس اور نیو ایئر نائٹ کی تقریبات کے موقع پر فول پروف سیکیورٹی کو یقینی بنایا جائے، زہریلی شراب بنانے والوں کے خلاف کریک ڈاؤن کریں تاکہ اس موقع پر کسی قسم کا ناخوشگوار واقعہ پیش نہ آئے۔تھانہ میں آنے والے لوگوں سے عزت سے پیش آئیں اور ان کے مسائل توجہ سے سنیں،غیر قانونی حراست، تشدد اور دوران حراست موت پر زیرو ٹالرنس ہے اور سخت کاروائی عمل میں لائی جائے گی۔