اولمپیئن سوسائٹی کی لوکیشن آئیڈیل، رہائش کے لئے بہترین ہے: مرزا رفاقت بیگ

لاہور (پ ر) اولمپیئنز کوآپریٹو ہاؤسنگ سوسائٹی کے حالیہ الیکشن کے سلسلے میں ممبران سوسائٹی کی کارنر میٹنگ سے خطاب کرتے ہوئے سابق صدر مرزا رفاقت بیگ نے اظہار خیال کرتے ہوئے کہا کہ ممبران سوسائٹی نے تین سال قبل ہم پر اعتماد کیا تھا تو ہم نے ذاتی مفادات سے بالاتر ہو کر ممبران سوسائٹی کے اجتماعی مفاد کو مدنظر رکھتے ہوئے عملی اقدامات کرتے ہوئے سوسائٹی کو ڈویلپ کرنے کا بیڑا اٹھایا ہم اﷲ تبارک تعالیٰ کے شکر گزار ہیں کہ ہم اپنے مقصد میں کامیاب ہوئے۔ سوسائٹی اور ممبران سوسائٹی کی خدمت کی ہم نے اپنی تمام تر صلاحیتوں کو بروئے کار لاتے ہوئے دن رات محنت کی ہے اور سوسائٹی فنڈز کو نہایت ایمانداری کے ساتھ صحیح جگہ پر خرچ کیا۔ آج اولمپیئن سوسائٹی آئیڈیل رہائش کے لئے بہترین ہے۔ ممبران کی دلچسپی سے ہمارا حوصلہ بڑھا ہے‘ اگر آپ نے ووٹ کی طاقت سے ہمیں عزت دی اور منتخب کیا تو اگلی مرتبہ ہم سوسائٹی کو مکمل طور پر ڈویلپ کریں گے۔