فیروز والہ: 2لیڈیز منشیات فروش گرفتار‘بھاری مقدار میں چرس برآمد

فیروز والہ (نامہ نگار) پولیس چوکی جیون پورہ اور مریدکے سٹی پولیس نے چھاپے مار کر منشیات کا کاروبار کرنے والی دو لیڈی منشیات فروش عورتوں کو گرفتار کر کے ان کے قبضہ سے بھاری مقدار میں اعلیٰ کوالٹی کی منشیات بر آمد کر لی۔ پولیس چوکی جیون پورہ کے انچارج غلام عباس گورائیہ نے دیگر اہلکاروں کی مدد سے چھاپہ مار کر منشیات فروخت کرنے والی لیڈی خاتون زاہد کو حراست میں لے کر اس کے قبضہ سے بھاری مقدار میں منشیات بر آمد کر لی۔ ایس ایچ او سٹی مریدکے ولی حسن پاشا کی نگرانی میں پولیس ٹیم نے چھاپہ مار کر منشیات فروش خاتون (م) کو گرفتار کر کے اس کے قبضہ سے ڈھائی کلو چرس برآمد کر لی۔ پولیس نے مقدمات درج کر لیے۔ ڈی پی او شیخوپورہ غلام مبشر میکن نے منشیات فروشوں کو گرفتار کرنے پر پولیس ٹیم کو شاباش دی۔