اسلام آباد(نا مہ نگار)وفاقی تعلیمی بورڈ کے زیر اہتمام ہینڈی کرافٹ ،پینٹنگ اور ایمبرائیڈری کے مقابلے ہوئے جس میں فیڈرل بورڈ سے الحاق شدہ اداروں کے ڈائریکٹوریٹ نے بھرپور حصہ لیا ، ان مقابلوں میں ہینڈی کرافٹ کے مقابلہ میں آمنہ لئیق جن کا تعلق (ایف جی کالج برائے خواتین ایف الیون ون اسلام آباد)سے ہے نے پہلی، سیدہ عائشہ(کے آر ایل ماڈل کالج کہوٹہ راولپنڈی)نے دوسری اور نایاب کاظمی جن کا تعلق(اسلام آباد ماڈل سکول اینڈ کالج چراہ)سے ہے نے تیسری پوزیشن حاصل کی۔اسی طرح ایمبرائیڈری کے مقابلے میں حبہ رحمان(نیول ڈائریکٹوریٹ )نے پہلی، کشمالہ افضل(سی اینڈ جی ڈائریکٹوریٹ)نے دوسری اور ایمن عطاریہ اور وجیہہ فیاض نے تیسری پوزیشن حاصل کی۔ اسی طرح پینٹنگ کے مقابلہ میں سکینہ سیدہ نے پہلی ، ایمن عظیم دوسری اور مروہ ساجد نے تیسری پوزیشن حاصل کی ۔