کراچی ( نیوز رپورٹر) 15 سالہ لڑکی کو زیادتی کے بعد قتل کردیا گیا ، پولیس نے ملزم کو گرفتار کرلیا ہے، ، ملزم عرفان مقتولہ کے والد رحیم کا جاننے والا تھا۔تفصیلات کے مطابق کراچی میں موسمیات کے قریب مبینہ ٹان تھانے کی حدود میں لڑکی کو زیادتی کے بعد قتل کردیا گیا۔پولیس نے بتایا کہ پندرہ سال کی زینب کو زیادتی کے بعد قتل کرنے کے الزام میں ملزم کوگرفتار کرکے تھانے منتقل کردیاگیا ہے، ملزم کا نام عرفان ہے۔ایس ایس پی ایس ایس پی ایسٹ سردارعبدالرحیم شیرازی کا کہنا تھا کہ زینب گھر میں اکیلی تھی، والدین کام پر گئے تھے ، ملزم عرفان مقتولہ کے والد رحیم کا جاننے والا تھا۔عبدالرحیم شیرازی نے بتایا کہ کچھ دنوں سے ملزم عرفان گھرمیں کام کاج کیلئے آرہا تھا، آج زینب کو اکیلے پاکر زیادتی کی اور پھر گلا دبا کر قتل کردیا۔ایس ایس پی ایسٹ سردارعبدالرحیم شیرازی نے کہا مقتولہ کی لاش کو ضابطے کی کارروائی اور میڈیکو لیگل کیلئے اسپتال منتقل کردیا گیاہے۔حکام کے مطابق میڈیکو لیگل رپورٹ آنے کے بعد مقدمہ درج کیا جائے گا، پولیس مزید معلومات اور شواہد حاصل کر رہی ہے۔