۔نواز شریف مکمل صحت یابی کے بعد پاکستان آرہے ہیں،شیخ آفتاب 

  حضرو(نمائندہ نوائے وقت )مسلم لیگ (ن) کے مرکزی ر ہنما شیخ آفتاب احمد نے کہا ہے کہ میاں محمد نواز شریف مکمل صحت یابی کے بعد پاکستان آرہے ہیں ملک میں جو بھی بڑے منصوبے مکمل ہوئے وہ میاں نواز شریف کا کارنامہ ہے سابقہ حکومت ان کے منصوبو ں پر ہی سیاست کر تی رہی خان صاحب قوم کو مرغیاں ،کٹے اور کٹیاں دیتے رہے جبکہ ملک کی معیشت کا ستیہ ناس کر دیا اتحادی حکومت دن رات ملک کو بحرانوں سے نکالنے کیلئے کوشاں ہیں لندن میں جس طرح پاکستانیوں نے عزت دی اس پر ان کا مشکور ہوں ان خیالات کا اظہار انہوںنے لندن سے وطن واپسی پر اپنی رہائش گاہ پر ضلع بھر سے آئے ہوئے پارٹی کارکنوں اور معززین علاقہ سے گفتگو کرتے ہوئے کیا اس موقع پر شیخ اجمل محمود ،ڈاکٹر محمد اشرف بٹ ،پیر آ ف دور داد یعقوب خان ،شیخ سہیل محمود،ڈاکٹر میاں راشد مشتاق ،شیخ حامد قدوس ودیگر بھی موجود تھے۔
 شیخ آفتاب احمد نے کہا کہ میاں محمد نواز شریف کے ساتھ ملاقات خوشگوار ماحول میں ہوئی صحت یابی کے بعد بہت جلد وطن واپس آئیں گے قوم بھی ان کے آنے کا انتظار کر رہی ہے۔