جوہانسبرگ میں کھیلے گئے جنوبی افریقن ٹینس اوپن کے فائنل میں فرانس کے سونگا نے اپنے ہم وطن شارڈی کے خلاف سٹریٹ سیٹس میں چھ چار اور سات پانچ سے کامیابی حاصل کی۔ سونگا نے پورے ٹورنامنٹ میں ایک بھی سیٹ نہیں ہارا۔ دوسری جانب زغریب اوپن کے فائنل میں کروشیا کے میرین سیلیچ نے اپنے ہم وطن ماریو اینچچ کو چھ تین اور چھ چار سے ہرا کر ٹائٹل حاصل کیا۔ ادھر مویسٹر اوپن میں چلی کے فرنینڈو گونزالز نے ارجنٹائن کے جوز اکاسوسو کے خلاف چھ ایک اور چھ تین سے کامیابی حاصل کی۔