محکمہ موسمیات کے مطابق آئندہ گھنٹوں کے دوران ملک کے بیشتر علاقوں میں موسم خشک اور سرد رہے گا ،،،گزشتہ چوبیس گھنٹوں کے دوران بھی بیشتر علاقوں میں موسم خشک اور سرد رہا۔ جب کہ بالائی علاقوں کےلوگ بدستورمشکلات میں ہیں،،،ملک میں سب سے زیادہ سردی استور میں پڑی جہاں کا درجہ حرارت منفی تیرہ سینٹی گریڈ تک گر گیا۔ پارہ چنار اور کالام میں منفی گیارہ، گوپس منفی آٹھ، گلگت اور کوئٹہ منفی تین، مری صفر، اسلام آباد تین، پشاور اور مظفر آباد چار، فیصل آباد اور لاہور پانچ، ملتان سات، حیدر آباد دس اور کراچی کا درجہ حرارت گیارہ سینٹی گریڈ ریکارڈ کیا گیا۔