چنائی (آئی این پی) بھارتی ریاست تامل ناڈو میں اپنی نوعیت کے انوکھے واقعے میں شہاب ثاقب گرنے سے بس ڈرائیور ہلاک اور 3 افراد زخمی ہو گئے۔ بھارتی میڈیا نے دعویٰ کیا ہے کہ تامل ناڈو میں کالج بس کا ڈرائیور خلا سے گرنے والے پتھر کی وجہ سے ہلاک ہوا ہے، پتھر گرنے سے ہونے والے دھماکے سے قریب کھڑی بس کے شیشے بھی ٹوٹ گئے۔ عینی شاہدین کے مطابق انہوں نے آسمان سے گرتی ایک چمکدار چیز دیکھی جس کے بعد دھماکہ ہو گیا۔