شیخوپورہ انٹر سکولز کمشنر کپ، فرقان ہائی سکول کی ٹیم نے سانگلہ ہل کو شکست دیدی

شیخوپورہ(نامہ نگار خصوصی)انٹر سکول کمشنر لاہورڈویژن کرکٹ کپ کے انعقاد کا مقصد کھیلوں کا فروغ ہے۔حکومتی سرپرستی میں کھیلوں کے انعقاد سے مثبت نتائج سامنے آئیں گے۔ان خیالات کا اظہار ڈی سی ا و رائو ریاض اعجاز نے کرکٹ سٹیڈیم میںانٹرسکول کمشنر کرکٹ کپ کے دوسرے رائونڈ کے افتتاح کے موقع پرمیڈیا کے نمائندوں سے گفتگو کرتے ہو ئے کیا۔اس موقع پر ای ڈی او فنانس راشد ارشاد حسین ، ڈی او سپورٹس لیاقت علی وٹوسمیت ضلعی انتظامیہ کے نمائندوں اور معزیزین نے شرکت کی۔ کرکٹ سٹیڈیم میں انٹر سکول کمشنر کرکٹ کپ کے تحت گورنمنٹ فرقان شہیدہائی سکول شیخوپورہ اورعلامہ اقبال ہائی سکول سانگلہ ہل کی ٹیموں کے درمیان میچ کھیلا گیا جو کہ گورنمنٹ فرقان شہید ہائی سکول شیخوپورہ کی ٹیم نے جیت لیا۔