پاکستان ہاکی ٹیم اذلان شاہ ٹورنامنٹ میں شرکت کرے گی

لاہور( نمائندہ سپورٹس)پاکستان سینئر ہاکی ٹیم 25 ویں سلطان ا ذلان شاہ ہاکی ٹورنامنٹ میں شرکت کرے گی، ٹورنامنٹ 7سے 17اپریل تک ملائشیاء میں کھیلا جائیگا۔ ٹورنامنٹ میں شرکت کے اہل کھلاڑیوں کے انتخاب کیلئے پنجاب میں اوپن ٹرائل 11اور 12فروری کو نیشنل ہاکی سٹیڈیم لاہور میں ہونگے۔خیبر پختونخواہ، اسلام آباد، گلگت بلتستان، آزاد جموں کشمیر اور فاٹا سے باصلاحیت کھلاڑیوں کے انتخاب کے لیے 20فروری کو لالہ ایوب ہاکی سٹیڈیم پشاور میں ٹرائل ہونگے۔