لاہور( نمائندہ سپورٹس)لاہور پولو کلب کے زیراہتمام بنی یوسف میموریل پولو کپ 2016ء آج بروز منگل سے لاہور پولو کلب میں شروع ہوگا۔ پاکستان پولو ایسوسی ایشن کے کلینڈر ایونٹ میں دو پولز اور چھ ٹیمیں شامل ہیں۔ پول اے آرمی ری مائونٹس، ایڈیسو اور ماسٹرپینٹس /حبیب میٹرو شامل ہیں جبکہ پول بی میں پی ای/الخان، ڈائمنڈ پینٹس اور رائل پام ماسٹرپینٹس شامل ہیں۔ اگلے تین ٹورنامنٹ پاکستان میں پولو کے بہترین ٹورنامنٹس ہیں جن میں ایبک کپ، پنجاب کپ اور قائداعظم نیشنل کپ شامل ہیں۔ پول اے کی ٹیموں میں آرمی ری مائونٹس میں میجر عمر منہاس، میجر حسیب منہاس، میجر جنرل اسفند یار خان پٹودی اور شاہ شمائل عالم، ایڈیسو میں عبدالرحمان منو، بلال حئی، عثمان حئی اور شاہ قبلائی عالم، ماسٹرپینٹس/حبیب میٹرو میں صوفی حارث، صوفی عامر، فیڈرک اور حسام علی حیدر شامل ہیں۔ پول بی کی ٹیموں میں ڈائمنڈ پینٹس میں میر شعیب احمد، راجہ تیمور ندیم، احمد علی ٹوانہ اور ثاقب خان خاکوانی، رائل پام /ماسٹر پینٹس میں صوفی فاروق، ممتاز عباس نیازی، حمزہ مواز خان اور جان کروز لوساڈا، پی ی/الخان عرفان شیخ، ڈاکٹرافتخار علی خان سمبا، عاطف یار ٹوانہ اور میک کارلٹن شامل ہیں۔