یاسین اختر میموریل ٹورنامنٹ، پی اینڈ ٹی تیسرے راؤنڈ میں پہنچ گئی

لاہور( نمائندہ سپورٹس)31 ویں محمد یاسین اختر میموریل کرکٹ ٹورنامنٹ میں پی اینڈ ٹی جمخانہ نے حریف پنڈی جمخانہ کو 49رنز سے ہرا کر تیسرے راؤنڈ کے لئے کوالیفائی کر لیا۔ ٹاؤن شپ البلال گراؤنڈ پر کھیلے گئے اس میچ میں پی اینڈ ٹی جمخانہ نے پہلے کھیلتے ہوئے مقررہ 20اووروں میں 8 وکٹوں کے نقصان پر147رنز بنائے۔رضوان45، انوار حفیظ 23، طیب23، عاصم 19 اور نعیم نے18رنز بنائے۔ امتیاز نے 17رنز کے عوض چار اور عمر نے 16رنز کے عوض دو کھلاڑیوں کو آؤٹ کیا۔ پنڈی جمخانہ مطلوبہ ہدف تک پہنچنے میں ناکام رہے اور پوری ٹیم 98 رنز بنا کر آؤٹ ہو گئی۔ندیم احمد 23، طارق نواز 30 اور واصف نے 17 رنز بنائے۔ فریدون اور انوار حفیظ نے تین تین جبکہ حسیب الرحمن نے دو کھلاڑیوں کو آؤٹ کیا۔