واشنگٹن(این این آئی)امریکہ نے اعلان کیا ہے کہ میکسیکو کے ساتھ سرحد پر دیوار کی تعمیر دو سال کے اندر اند ر ایک حقیقت بن جائے گی۔ ہوم لینڈ سکیورٹی کے وزیر جان کیلی نے ملکی کانگریس کے ایک پینل کو بتایا کہ میکسیکو کے ساتھ سرحد پر دیوار کی تعمیر دو سال کے اندر اند ر ایک حقیقت بن جائے گی۔
جان کیلی نے ارکان کانگریس کو بتایا کہ یہ دیوار ایک ایسی ’مادی رکاوٹ‘ ہو گی، جہاں شاید کئی مقامات پر خار دار باڑ بھی لگی ہوئی ہو گی۔ موجودہ امریکی صدر ڈونلڈ ٹرمپ نے اپنی انتخابی مہم کے دوران بار بار کہا تھا کہ وہ امریکہ اور میکسیکو کے درمیان سرحد کے راستے غیر قانونی تارکین وطن کی آمد کو روکنے کے لیے وہاں دیوار تعمیر کر دیں گے۔
