کراچی(کرائم رپورٹر) سہراب گوٹھ میں آتشزدگی کے نتیجے میں ستر جھونپڑیاں جل کر راکھ ہوگئیں تاہم خوش قسمتی سے کوئی جانی نقصان نہیں ہوا جھونپڑیوں میں آگ جمعہ کی دوپہر لگی جس کے بعد خواتین اوربچوں سمیت لوگوں نے بھاگ کر اپنی جانیں بچائیں جبکہ اطلاع ملنے پر فائربریگیڈ کاعملہ فوری طورپر موقع پر پہنچا اورچار فائربریگیڈ کی مدد سے کئی گھنٹے کی جدوجہد کے بعد آگ پر قابو پایا جھونپڑیوں میں کئی سال قبل اندرون سندھ میں سیلاب کے بعد کراچی آنے والے متاثرین رہائش پذیرتھے آتشزدگی سے متاثرہ افراد کا کہنا ہے کہ آگ نے ان کا سب کچھ جلا کر راکھ کردیا ہے اوروہ شدید سرد موسم میں سرچھپانے سے بھی محروم ہوگئے ہیں۔