پیرمحل(نامہ نگار)مخالف گروپوں میں فائرنگ سے خاتون سمیت 2افراد جاںبحق ہو گئے ا۔تفصیل کے مطابق پیرمحل کے نواحی گائوں موضع کوہل میں دیرینہ رنجش کی بناء پر ہونیوالی فائرنگ کے نتیجہ میں خاتون سمیت 2افراد میٹرک کا طالبعلم فرحان نوازولد محمد نواز اور گلزاربی بی دختر سہراب خاں کو گولیاں مار قتل کردیا گیا۔پولیس کے مطابق واقعہ میں دونوں فریقین کے 6افراد شامل ہیں۔مبینہ ملزمان کے نام محمد نوازولد عبداللہ،چمن عباس ولد ربنواز،رب نوازولدصلابت خاں، مزمل ولد نوازخاں، قیصراوراکرام بتائے جاتے ہیں۔واقعہ کی اطلاع ملتے ہی ڈی ایس پی سرکل اور تھانہ صدر میں تعینات ایس ایچ او فریاد حسین چیمہ نے نفری کے ہمراہ موقع پر پہنچ کر مقتولین کی نعشوں کو تحویل میں لیتے ہوئے سول ہسپتال منتقل کرکے ملزموں کی گرفتاری کے لئے ٹیمیں تشکیل دے دیں۔