عراق میں تیسری شادی کی مخالفت پر شوہر نے اپنی دوسری بیوی کو تیز رفتار گاڑی سے دھکا دے دیا۔ ذرائع  کے مطابق جنوبی عراق کے صوبے ذیقار میں خاتون اپنے شوہر کے ہمراہ گاڑی سے سفر کررہی تھی بات چیت کے دوران تیسری شادی کے پروگرام کی مخالفت کی تو شوہر نے تیز رفتار گاڑی سے بیوی کو دھکا دے کر نیچے پھینک دیا جس کے نتیجے میں خاتون شدید زخمی ہوگئی جسے قریبی ہسپتال منتقل کیا گیا جہاں وہ زخموں کی تاب نہ لاتے ہوئے چل بسی۔ قبل ازیں زخمی خاتون نے ہسپتال میں بیان ریکارڈ کرایا جس میں شوہر کو اس واقعہ کا ذمہ دار قرار دیا تھا۔ پولیس کا کہنا ہے کہ مذکورہ شخص کو گرفتار کر لیا گیاہے اور اسے قانونی کارروائی کے لیے جلد عدالت میں پیش کیا جائے گا۔