ڈیرہ مراد جمالی:بس اڈے پردستی بم دھماکہ‘ ایک شخص جاں بحق 3زخمی

نصیر آباد (نامہ نگار)ڈیرہ مراد جمالی بس اڈے پر ہینڈ گرنیڈ بم دھماکہ سے  ایک شخص جاں بحق تین زخمی ہو گئے ۔جاں بحق اور زخمیوں کو فوری طور پر سول ہسپتال ڈیرہ مراد جمالی منتقل کر دیا گیا پولیس نے جائے وقوعہ پر پہنچ کر شواہد اکھٹے کرنا شروع کر دیئے دو زخمیوں کی حالت نازک بتائی گئی ہے نامعلوم افراد مسافر بس کے قریب ہینڈ گرنیڈ پھینک کر فرار ہو گئے جس سے بس کو بھی نقصان پہنچا ۔ دھماکے سے ایک شخص دلدار ابڑو گدھاگاڑی والا تھا موقع پر ہی جاں بحق ہو گیا جبکہ مرتضیٰ سیال،امداد حسین ابڑو اور محمد اکبر زخمی ہو ئے ۔