کراچی ( اسپورٹس رپورٹر )شہر قائد میں تیسرے کمشنر کراچی میراتھون کی تیاریاں عروج پر پہنچ گئیں، میراتھون کے لئے کھلاڑی بھی پرجوش نظر آرہے ہیں، کھلاڑیوں نے اپنے پیغامات میں شہریوں سے تیسرے کمشنر کراچی میراتھون میں بھر شرکت کی اپیل کی ہے، سابق کپتان راشد لطیف نے میراتھون کو شہر کی رونق میں اضافے کا سبب قرار دے دیا۔ پاکستان کو چیمپیئنز ٹرافی کا تحفہ دینے والے سابق کپتان سرفراز احمد کا کہنا ہے میراتھون کو فیملی فیسٹول سمجھ کر شہری اپنے گھروالوں کے ساتھ شریک ہوں۔بولر جلال الدین, ڈائریکٹر ڈومیسٹک کرکٹ اینڈ اکیڈمیز ندیم خان، سابق کرکٹر فیصل اقبال، ٹیسٹ کرکٹر زاہد محمود نے اپنے بیان میں کہا ہے کہ میراتھون میں ہر عمر کے شہری شریک ہوسکتے ہیں جبکہ شرکاء کو قیمتی انعامات جیتنے کے مواقع بھی میسر ہونگے۔