پی ایس ایل7، دوسرا مرحلہ کل سے لاہور میں شروع ہو گا

لاہور(اسپورٹس رپورٹر)پی ایس ایل7کا پہلا مرحلہ کامیابی کیساتھ مکمل ہو گیاجس کے بعد دوسرا مرحلہ جمعرات سے قذافی سٹیڈیم لاہور میں شروع ہو گا۔دوسرے  مرحلہ کا پہلا میچ ملتان سلطان اور پشاور زلمی کے  مابین کھیلا جائیگا۔پہلے مرحلہ مکمل ہونے کے بعدپوائنٹس ٹیبل پر  ملتان سلطانز کی ٹیم ناقابل شکست رہتے ہوئے سر فہرست ہے  جبکہ اسلام آباد یو نائیٹڈ کی ٹیم دوسرے،لاہور قلندرز تیسرے ،کوئٹہ گلیڈی ایٹرز چوتھے،پشاور زلمی پانچویں اور کراچی کنگز کی ٹیم آخری چھٹے نمبر پر موجود ہے۔لاہورمیں کھیلے جانے والے دوسرے  مرحلہ کا پہلا میچ جمعرات کو ملتان سلطان اور پشاور زلمی کے  مابین کھیلا جائیگا۔پاکستان سپر لیگ(پی ایس ایل)کے 7ویں ایڈیشن کے دوسرے مرحلے کیانعقاد کے لیے لاہور میں انتظامات مکمل ہوگئے۔
ڈی جی اسپورٹس پنجاب جاوید چوہان نے بتایا ہے کہ پی ایس ایل 7 کے دوسرے مرحلے کیانعقادکے لیے تمام انتظامات مکمل کرلیے گئے ہیں۔انہوں نے بتایا کہ لاہور کے نیشنل ہاکی اسٹیڈیم میں 20بیڈز پر مشتمل عارضی اسپتال قائم کردیا گیا ہے۔اسپورٹس بورڈ کے مطابق، یہ اسپتال محکمہ اسپورٹس پنجاب کے تعاون سے قائم کیا گیا ہے، جس میں مختلف ٹیسٹوں کی سہولت اور دوائیں بھی دستیاب ہوں گی۔اس کے علاوہ نیشنل ہاکی اسٹیڈیم میں کنٹرول روم بھی قائم کیا گیا ہے۔جاوید چوہان نے یہ بھی بتایا ہے کہ کنٹرول روم میں تمام اداروں کے فوکل پرسن ہوں گے۔انہوں نے مزید بتایا کہ صفائی اور لائٹنگ کے انتظامات بھی مکمل کرلیے گئے ہیں اور ایونٹ کی 472 کیمروں سے مانیٹرنگ کی جارہی ہے۔