راولپنڈی:نامعلوم افراد کی فائرنگ ،کچہری جانیوالے دو کار سواردوست قتل

اسلام آباد (اپنے سٹاف رپورٹر سے) تھانہ کھنہ کے علاقے میں ضلع کچہری جانے والے دو کار سواروں کو فائرنگ کرکے قتل کردیا گیا فائرنگ کے واقعہ کی اطلاع پر پولیس پہنچ گئی پولیس نے بتایا کہ مقتولین جہانگیر اور کمال سکنہ شکریال راولپنڈی اپنی کار میں راولپنڈی کچہری مقدمات میں پیشی کے سلسلے میں جا رہے تھے کہ ان پر مسلح افراد نے فائرنگ کردی جس سے دونوں موقع پر جاں بحق ہوگئے مقتولین کی نعشیں پمس ہسپتال منتقل کردی گئیں پولیس کو مدعی محمد اقبال نے بتایا کہ مزمل ٹائون کوری روڈ شکریال سے اس کا بیٹا جہانگیر اقبال تاریخ پر گھر سے اپنے دوست کمال خان کے ہمراہ اپنی مہران کار نمبرRIY - 9456 پر گیاجب کار ساہی چوک سروس روڈ پر مڑی تو ایک بدوں نمبر موٹر سائیکل سواروں نے مدعی کے بیٹے کی گاڑی روکی دوسری کار میں سوار اترے اور آتشیں اسلحہ سے فائرنگ کردی جس سے مدعی کا بیٹا اور کمال خان جاں بحق ہوگئے اطلاع ملنے پر ہم پمس ہسپتال گئے جہاں دونوں کی نعشیں مارچری میں تھیںوجہ عناد یہ ہے کہ میرے بیٹے پر جو قتل کا مقدمہ چل رہا ہے وہ مقدمہ ملزمان کی مدعیت پر چل رہا ہے دریں اثنائآئی جی اسلام آباد محمد احسن یونس نے ایس ایس پی آپریشنز فیصل کامران کو ہدائت کی کہ دوہرے قتل کی اس واردات کے ملزموں کا سراغ لگایا جائے پولیس نے بتایا کہ اس وقوعہ میں ایک نامزد ملزم مسعودشاہ گرفتار کر لیا گیا ہے دیگر ملزمان کی تلاش کیلئے پولیس کی ریڈنگ ٹیمیں تشکیل دے دی گئی ہیں پولیس نے مقدمہ درج کرلیا ہے ۔
کچہری ،قتل