علی پورچٹھہ(نامہ نگار ) تیز رفتار ٹریکٹر ٹرالی کے اناڑی ڈرائیور نے معصوم اڑھائی سالہ بچے کی جان لے لی بچہ موقع پر ہی دم توڑ گیا۔ تفصیلات کے مطابق گورنمنٹ گرلز ڈگری کالج روڈ پر اشتیاق احمد کا اڑھائی سالہ بچے کالو گھر کے باہر کھیل رہا تھا کہ روڈ پر سے گزرتی تیز رفتار ٹریکٹر ٹرالی نے اسے کچل دیا جس سے وہ موقع پر دم توڑ گیا جبکہ ڈرا?یور موقع سے فرار ہو گیا شہر کے مختلف محلوں میں تعمیراتی کام ہو رہے ہیں جس میں اکثر ٹرالیاں مٹی ڈالتی ہیں مگر ان کو چلانے والے تمام ڈرائیور اناڑی ہیں اور تیز رفتاری اور کنٹرول نہ ہونے کی وجہ سے معصوم شہریوں کی جان سے کھیلتے ہیں شہریوں نے سی پی او گوجرانوالہ سے نوٹس لینے کا مطالبہ کیا ۔