مریم نوازکابھارتی طالبہ سے اظہاریکجہتی، ٹوئٹر پروفائل پر مسکان کی تصویر لگادی

پاکستان مسلم لیگ (ن) کی نائب صدر مریم نواز نے انتہا پسند ہندوں کے سامنے ڈٹ جانے والی بھارتی باحجاب طالبہ سے یکجہتی کا اظہار کرتے ہوئے اپنے ٹوئٹر پروفائل پر باہمت مسکان کی تصویر لگا دی۔بھارتی ریاست کرناٹک میں کئی کالجوں میں حجاب پر پابندی لگادی گئی ہے۔ گزشتہ روز حجاب پہن کر مہاتما گاندھی میموریل(ایم جی ایم)کالج جانے والی طالبہ مسکان کو جے شری رام کے نعرے لگاتے سیکڑوں انتہا پسند ہندو طالبِ علموں کے گروہ نے ہراساں کیا ۔ لیکن مسکان نے بہادری کے ساتھ مشتعل ہجوم سے ڈرنے کے بجائے ان کا بھرپور مقابلہ کیا اور اونچی آواز میں اللہ اکبر کا نعرہ لگایا۔