پاکستان میں کھیلنے کیلئے بہت خوش ہوں:مارٹن گپٹل کا ٹویٹ

 لاہور(سپورٹس رپورٹر)پاکستان سپر لیگ کے آٹھویں سیزن میں پہلی مرتبہ کوئٹہ گلیڈی ایٹرز کا حصہ بننے والے کیوی کھلاڑی مارٹن گپٹل نے اپنے جذبات کا اظہار ویڈیو پیغام اور ٹوئٹ کے ذریعے کیا،کوئٹہ گلیڈی ایٹرز نے ٹوئٹر پر گپٹل کی ویڈیو جاری کی جس میں انہوں نے کہا کہ میں پاکستان میں پاکستانی مداحوں کیلئے کھیلنے کیلئے بہت ہی خوش ہوں، مجھ سے یہ تجربہ حاصل کرنے کا انتظار نہیں ہورہا۔ پاکستان میں بھرے ہوئے سٹیڈیمز میں کھیلنے کا مزہ آئے گا، پاکستان میں آرہا ہوں۔ ٹیم کوئٹہ میری نئی فرنچائز اور نیا گھر ہے، میں اپنی ٹیم کیلئے سب کچھ دینے کو تیار ہوں۔ معروف پریزینٹر ایرن ہالینڈ نے پی ایس ایل کے ٹوئٹر اکائونٹ پر اپنا نام بطور پرزینٹر دیکھے جانے کے بعد ٹوئٹ پر ردعمل دیا اور لکھا 'پی ایس ایل کیلئے واپس آنے کا انتظار نہیں ہورہا۔