لاہور(سپورٹس رپورٹر)پشاور زلمی کے لیگ سپنر عثمان قادر نے کہا ہے کہ اس بات کا پریشر ہوتا ہے کہ عبدالقادر کا بیٹا ہوں، مگر اب اس کا عادی ہوں۔ کوشش ہے کہ والد کا نام روشن کروں۔ پی ایس ایل کیلئے بہترین تیاریاں ہو رہی ہیں، دو ٹریننگ سیشنز بہت اچھے گزرے، پچھلے سال کی غلطیاں دور کر رہے ہیں۔ پی ایس ایل ہر نوجوان کرکٹر کیلئے کافی اچھا موقع ہے، ٹاپ پلیئرز کیساتھ ڈریسنگ روم شیئر کرکے بہت کچھ سیکھنے کو ملتا ہے۔ پی ایس ایل نے ہمیشہ سے ہی پاکستان کو اچھے پلیئرز دیے ہیں۔
 زلمی میں بھی اچھے پلیئرز ہیں، دیگر ٹیموں کے بھی نوجوان پلیئرز اچھے ہیں۔ پاکستان سپر لیگ میں ہمیشہ مقامی پلیئرز کا کردار کافی اہم ہوتا ہے۔ لیگ کے فاتح کے درمیان چیمپئنز لیگ ضرور ہونی چاہیے۔ چیمئنز لیگ جیسا ٹورنامنٹ ہوگا تو اس سے اور اچھا مقابلہ ہوگا۔