ڈاکے‘ چوریاں: تاجر سے موٹر سائیکلوں کے سامان سے بھرا ٹرک چھین لیا گیا

لاہور + فیروزوالہ (نامہ نگاران) لاہور‘ فیروز والا میں متعدد شہریوں کو لوٹ لیا گیا۔ منڈیالی کے قریب تاجر وقاص احمد کو ڈاکو اغوا کر کے کروڑوں روپے کا موٹر سائیکلوں کے سامان سے لوڈ ٹرک چھین کر لے گئے۔ وقاص احمد ٹرک پر 10 ٹن موٹر سائیکل کا سامان لوڈ  کر کے لاہور سے فیصل آباد لے جا رہا تھا۔ ڈاکو ویگن میں سوار تھے۔ لاہور کے علاقے سمن آباد میں مسلح ڈاکو نواز کے گھر گھس کر اسلحہ کے زور پر اہلخانہ کو یرغمال بنا کر 7 لاکھ 19 ہزار، زیورات و دیگر اشیائ‘ ماڈل ٹائون میں عمر کے گھر میں گھس کر اسلحہ کے زور پر 5لاکھ 40 ہزار، پرائز بانڈز‘ طلائی زیوارات‘ گارڈن ٹائون سے ندیم و فیملی  سے 5 لاکھ 80 ہزار‘ زیورات اور موبائل فون، اسلام پورہ میں  اختر سے 3 لاکھ و موبائل فون، مصطفی ٹائون سے  جمیل و فیملی  سے 4 لاکھ 60 ہزار ‘ زیورات، ڈیفنس بی میں غلام دستگیر اور فیملی سے 2لاکھ 10ہزار‘ گلشن راوی سے شعیب اور فیملی سے 1لاکھ 50 ہزار ‘ زیورات‘ شالیمار میں اظہر سے گن پوائنٹ پر4 لاکھ 58ہزار، ملت پارک میں وقار سے گن پوائنٹ پر3 لاکھ 65ہزار موبائل فون اور نشتر کالونی سے گن پوائنٹ پر مقبول سے6 لاکھ 25ہزار، زیورات اور موبائل فون لوٹ کر فرار ہوگئے جبکہ نامعلوم چور گارڈن ٹائون، سبزہ زار، ڈیفنس، اچھرہ، جنوبی چھاونی،  نواب ٹاون، مسلم ٹاون اور ساندہ سے گاڑیاں جبکہ اچھرہ، باٹا پور، مصطفی ٹاون، مزنگ، ہنجروال، جوہر ٹائون، چوہنگ اور یکی گیٹ سے موٹر سائیکلیں چوری کر کے فرار ہو گئے۔
ڈاکے