پی ایف سی کا وفد 3 روزہ لاس وگاس ایکسپو میں شرکت کریگا:میاں کاشف

لاہور(کامرس رپورٹر )پاکستان فرنیچر کونسل کے چیف ایگزیکٹو آفیسر میاں کاشف اشفاق نے کہا ہے کہ پی ایف سی کا وفدامریکہ کے لاس وگاس میں 13 فروری 3 روزہ سے شروع ہونیوالے ایکسپو میں شرکت کریگا۔  دورے کا بنیادی مقصد تجارتی تعلقات اور مشترکہ تعاون کا فروغ اور دونوں ممالک کے درمیان سرمایہ کاری کے ممکنہ مواقع کی تلاش ہے۔ دورہ کے دوران وفد اہم سٹیک ہولڈرز، سرکاری حکام اور کاروباری رہنمائوں کیساتھ ملاقاتیں اور مذاکرات کریغا۔  ہم دیرپا شراکت داری کے امکانات کے بارے میں پرعزم ہیں جس سے نہ صرف فرنیچر کی صنعت کو فروغ ملے گا بلکہ دونوں ممالک کی مجموعی اقتصادی ترقی میں بھی مدد ملے گی۔ پی ایف سی اقتصادی تعلقات کو فروغ دینے اور شراکت داری کو مضبوط بنانے کیلٗے پرعزم ہے۔