آسٹریلیا ‘پاکستان کو ہرا کر انڈر19کرکٹ ورلڈ کپ کے فائنل میں پہنچ گیا

 لاہور(سپورٹس رپورٹر)آسٹریلیا پاکستان کو ایک وکٹ سے ہرا کر انڈر19کرکٹ ورلڈ کپ کے فائنل میں پہنچ گیا ۔ جنوبی افریقہ کے شہر بنونی میں ہونیوالے انڈر 19 ورلڈ کپ کے دوسرے سیمی فائنل میں آسٹریلیا نے ٹاس جیت کر پہلے بائولنگ کا فیصلہ کیا، پہلے بیٹنگ کرتے ہوئے پاکستان کی پوری ٹیم 48.5 اوورز میں 179 رنز بنا کر پویلین لوٹ گئی۔ اذان اویس اور عرفات منہاس 52، 52 رنز بنا کر نمایاں رہے، شمائل حسین 17 رنز بناسکے جبکہ دیگر تمام کھلاڑی بغیر ڈبل فیگر میں داخل ہوئے پویلین لوٹ گئے۔شاہ زیب خان 4‘کپتان سعد بیگ 3‘احمد حسن 4‘ہارون ارشد8‘نوید احمد خان 9‘عیبد شاہ 6‘محمد ذیشان 4‘علی رضا کوئی رن نہ بناسکے ۔ ٹام سٹراکر نے 6‘مہالی بیرڈ مین ‘کلیوم وائڈلر‘رف میکملن اور ٹام کیمبل نے ایک ایک وکٹ حاصل کی ۔ ہیری ڈکسن 50‘سیم کونسٹس14‘ہیوج ویبگن چار ‘ہرجاس سنگھ پانچ ‘اولیور پیک49‘ٹم کیمبل 25‘ٹیم سٹراکر تین ‘مہالی بیرڈ مین صفر پر آئوٹ ہوئے ۔ راف میکملن 19‘کلیوم وائیڈلر تین رنز پر ناقابل شکست رہے ۔ علی رضا نے چار ‘عرفات مہناس نے دو ‘عبید شاہ اور نوید احمد خان نے ایک ایک وکٹ حاصل کی ۔ میگاایونٹ کا فائنل بھارت او ر آسٹریلیا کے درمیان 11فروری کو کھیلا جائیگا۔