فیصل آباد میں پولنگ کا عمل بلاتعطل اور پرامن رہا

فیصل آباد (نمائندہ خصوصی) ضلع بھر میں پولنگ پرامن ماحول میں ہوئی۔ تفصیلات کے مطابق فیصل آباد کے 10 قومی اور 21 صوبائی حلقوں میں 37 ہزار 599 افراد پر مشتمل پولنگ عملہ تعینات کیا گیا تھا۔ مجموعی طور پر 3687 پولنگ سٹیشن بنائے گئے۔ ضلع بھر میں ووٹنگ کا عمل بغیر کسی تعطل کے سارا دن جاری رہا۔ شہر میں کسی بھی جگہ کوئی ناخوشگوار واقعہ پیش نہیں آیا۔ خواتین سمیت شہریوں کی بڑی تعداد ووٹ ڈالنے کیلئے پولنگ سٹیشنوں پر پہنچی۔