پنجاب میں لاہور، گوجرانوالہ، رحیم یار خاں، اوکاڑہ اور لودھراں جبکہ پشاور اور اس کے گردونواح کے علاقے شدید دھند کی لپیٹ میں ہیں۔ موٹروے پولیس نے پشاور سے برہان انٹرچینج تک موٹروے کو ہر قسم کی آمدورفت کے لیے بند کر دیا ہے۔ پشاورایئر پورٹ بھی پروازوں کے لیے بند کر دیا گیا ہے جس کے باعث پانچ بین الاقوامی اور دو ملکی پروازوں کا شیڈول متاثر ہوا ہے۔ دھند کے باعث موٹروے پرلاہور سےکوٹ مومن تک حد نگاہ بیس میٹر جبکہ اس کے آگے صفررہ گئی ہے۔ موٹروے پر ٹریفک کی بندش سے جی ٹی روڈ پر ٹریفک کا دباؤ بڑھ گیا۔